मलकापूर, प्रतिनिधी : मलकापूर शहरात मोकाट जनावरांची संख्या दिवसेंदिवस वाढत असून नागरिकांच्या सुरक्षिततेचा गंभीर प्रश्न निर्माण झाला आहे. शहरातील मुख्य रस्ते, बाजारपेठ, चौक तसेच शाळा आणि रुग्णालय परिसरात गायी, बैल आणि इतर जनावरे दिवसभर मुक्तपणे फिरताना दिसत आहेत. त्यामुळे वाहतुकीला अडथळा निर्माण होत असून अपघातांची शक्यता वाढली आहे.विशेषतः सकाळी आणि सायंकाळी रहदारीच्या वेळी ही जनावरे रस्त्याच्या मध्यभागी उभी राहत असल्याने वाहनचालकांना मोठी कसरत करावी लागते. अनेकदा दुचाकीस्वार आणि पादचारी थोडक्यात बचावल्याच्या घटना घडल्या असल्याचे नागरिकांचे म्हणणे आहे.व्यापाऱ्यांनीही या समस्येबाबत नाराजी व्यक्त केली असून मोकाट जनावरे भाजीपाला, फळे आणि इतर साहित्याचे नुकसान करत असल्याची तक्रार केली आहे. नागरिकांनी वारंवार तक्रारी करूनही संबंधित प्रशासनाकडून ठोस कारवाई होत नसल्याचा आरोप होत आहे.नागरिकांनी नगर परिषद प्रशासनाने तातडीने विशेष मोहीम राबवून मोकाट जनावरांचा बंदोबस्त करावा, जनावरांच्या मालकांवर दंडात्मक कारवाई करावी आणि शहरातील वाहतूक सुरळीत करण्यासाठी प्रभावी उपाययोजना कराव्यात, अशी मागणी केली आहे. अन्यथा एखादी गंभीर दुर्घटना घडण्यापूर्वीच प्रशासनाने जागे होण्याची गरज असल्याचे नागरिकांनी म्हटले आहे.
إرسال تعليق