नांदुरा(खुर्द): येथील विघ्नहर्ता महिला गणेशोत्सव मंडळाने आयोजित केलेला दहा दिवसांचा गणेशोत्सव विविध कार्यक्रमांनी आणि उत्साही वातावरणाने साजरा झाला. मंडळाच्या अध्यक्षा सौ. सरिताताई बावस्कार व त्यांच्या सर्व समितीच्या अथक परिश्रमामुळे हा दहा दिवसीय उत्सव उत्कृष्ट रित्या पार पडला. या उत्सवादरम्यान महिला, युवती आणि लहान मुलांसाठी आयोजित केलेल्या विविध स्पर्धा आणि कार्यक्रमांना मोठा प्रतिसाद मिळाला.मंडळाच्या वतीने दररोज आरतीसाठी वेगवेगळ्या क्षेत्रातील प्रतिष्ठित व्यक्तींना निमंत्रित करण्यात आले होते, ज्यामुळे उत्सवाला एक वेगळी प्रतिष्ठा लाभली. मंडळाने आयोजित केलेल्या ढोल-ताशा, लेझीम, संगीत खुर्ची आणि 'वन मिनिट शो' यांसारख्या खेळांमुळे मंडळातील वातावरण चैतन्यमय झाले. या उपक्रमांमुळे महिला व युवतींचे संघटन अधिक मजबूत झाले.मंडळाच्या या यशस्वी आयोजनाची दखल घेत नांदुरा पोलीस स्टेशनकडून मंडळाला विशेष शाबासकीची थाप मिळाली. उत्सवाच्या शेवटी सर्व खेळांचे पारितोषिक वितरण थाटामाटात पार पडले. या समारंभासाठी शिवसेना शहरप्रमुख अनिल भाऊ जांगळे आणि भाजप नेते सुधीर भाऊ मुरेकर यांची विशेष उपस्थिती लाभली, ज्यामुळे कार्यक्रमाची शोभा अधिक वाढली.दहा दिवसांच्या या आनंद सोहळ्यानंतर विसर्जनाच्या दिवशी गर्भा -दांडिया आणि लेझीम खेळत गणपती बाप्पाला भावपूर्ण निरोप देण्यात आला. या उत्सवाने नांदुरा शहरात एक नवा उत्साह निर्माण केला असून, पुढील वर्षीच्या उत्सवासाठी उत्सुकता वाढवली आहे.
إرسال تعليق