प्रतिनिधी,
अमोल मोरे वाघोळा
दसरखेड : दसरखेड एमआयडीसी परिसरातील बँजो केमिकल कंपनीमध्ये कॉन्ट्रॅक्ट पद्धतीने कार्यरत असलेल्या कामगारांच्या विविध समस्या व हिताच्या विषयांवर महत्त्वपूर्ण चर्चा करण्यात आली. यावेळी शिवसेना तालुकाप्रमुख विजयभाऊ साठे यांनी कामगारांशी संवाद साधत त्यांच्या अडचणी, समस्या तसेच कामाच्या ठिकाणी भेडसावणाऱ्या विविध प्रश्नांची माहिती जाणून घेतली.कामगारांच्या हक्क, सुरक्षितता, आवश्यक सोयी-सुविधा,कामाच्या ठिकाणी उपलब्ध असणाऱ्या मूलभूत सुविधा तसेच इतर प्रलंबित प्रश्नांबाबत यावेळी सविस्तर चर्चा करण्यात आली.कॉन्ट्रॅक्ट पद्धतीने काम करणाऱ्या कामगारांना कामाच्या ठिकाणी योग्य वातावरण व आवश्यक सुविधा मिळणे गरजेचे असून, त्यांच्या प्रश्नांकडे गांभीर्याने पाहण्याची आवश्यकता असल्याचे यावेळी मांडण्यात आले.कामगारांच्या समस्या संबंधित व्यवस्थापनापर्यंत पोहोचवून त्यावर योग्य तोडगा काढण्यासाठी आवश्यक पाठपुरावा करण्याबाबतही चर्चा झाली. कामगारांच्या हिताचे प्रश्न प्राधान्याने मार्गी लागावेत, त्यांच्या सुरक्षिततेला महत्त्व मिळावे आणि कामाच्या ठिकाणी आवश्यक सुविधा उपलब्ध व्हाव्यात, यासाठी पुढील काळातही संबंधित स्तरावर पाठपुरावा करण्यात येईल, असे विजयभाऊ साठे यांनी सांगितले.या चर्चेदरम्यान कामगारांनी आपल्या विविध अडचणी व अपेक्षा मांडल्या. त्यांच्या प्रश्नांवर सकारात्मक चर्चा झाल्याने कामगारांमध्ये समाधानाचे वातावरण निर्माण झाले. कंपनीतील कॉन्ट्रॅक्ट पद्धतीने कार्यरत असलेल्या अनेक कामगारांची यावेळी उपस्थिती होती.कामगारांच्या प्रश्नांना व्यासपीठ मिळाल्याने आणि त्यांच्या हिताच्या विषयांवर चर्चा झाल्याने उपस्थित कामगारांनी या उपक्रमाचे स्वागत केले. कामगारांच्या हक्कांसाठी आणि त्यांच्या मूलभूत सुविधांसाठी सातत्याने पाठपुरावा करण्याची भूमिका यावेळी व्यक्त करण्यात आली.
Post a Comment